Облыстық "Нұр ғасыр" мешітінде Ақтөбе облыстық тарихи-өлкетану музейінің "Руханият" залы жасақталуда. Бұнда әлемдік және дәстүрлі діндердің, соның ішінде исламның, оның діни ілімінің пайда болуы мен Қазақстан аумағында және Ақтөбе облысында даму тарихы туралы мәліметтер жинақталған.

Сонымен қатар өлкемізде мешіт ұстап, мұсылманша білім берген ақтөбелік діни тұлғалардың жеке тұтынған заттары мен кітап, қолжазбалары келушілерге ұсынылады.

20 қыркүйектен бастап Залды жасақтау жұмыстарын қорларды ғылыми-зерттеуді қамтамасыз ету бөлімі, экспозициялық-көрмелік бөлім, ғылыми-әдістемелік бөлім қызметкерлері жүргізу үстінде.

"Руханият" залының ашылу салтанаты 5 қазан күні жоспарлануда.