Республика күніне арналған Түнгі Ашық есік күні өтті. Мерекелік шарада келушілерге музейдің тақырыптық-экспозициялық залдары бойынша экскурсиялар жүргізіліп, қолөнер шеберлерінің көрмесі, кітап және фото көрмелері, мүмкіндігі шектеулі жандардың көрмесі және патриоттық әндер топтамасынан караоке кеші, Ықылас атындағы халық музыкалық аспаптар музейінің «Әлем әуені» атты жылжымалы көрмесі ұсынылып, «Сен білесің бе?» атты викторина ұйымдастырылды.

Сонымен қатар жиналған қауым украин халқы этно-мәдени орталығының концерттік бағдарламасын да тамашалады.

Көтеріңкі көңіл күй сыйлаған мерекелік шара түнгі сағат 22.00-ге дейін жалғасты.