ХVIII ғ. жоңғар шапқыншылығы тұсында үш жүздің басын қосып, жауға төтеп берген аға хан — Әбілқайыр ханның туғанына 330 жыл толуына арналған ұлы тұлғаның есімін ұлықтау мақсатында 11-12 қазанда көлемді іс-шаралар өтті.
Ақтөбе облыстық
ТАРИХИ-ӨЛКЕТАНУ
МУЗЕЙІ
Жүру картасы
Афиша
Нұсқаулық
Виртуалды музей
«Руханият» көрме залында 31 мамыр — Ашаршылық пен саяси қуғын-сүргін құрбандарын еске алу күніне орай музей жанындағы «Руханият» танымдық-патриоттық клубының ұйымдастыруымен «Зұлмат заманның зобалаңы» атты тарихи-танымдық шара өтті.
Көрнекті мемлекет және қоғам қайраткері Темірбек Жүргеновтың 125 жылдығына арналған шаралар жоғары деңгейде өтті.
Шара барысында жиналған қауым «Азаттықтың ақ таңы» мемориалдық кешеніне тағзым етіп, гүл шоқтарын қойды. Рәсімде сөз алған облыс әкімінің орынбасары Бұлбұл Елеусінова өңірімізде Т.Жүргенов сынды ұлт зиялыларын ардақтау мақсатында атқарылған шараларға тоқталып, қоғам қайраткерлері Орынша Қарабалина, Зейнеп Ахметова, академик Ханкелді Әбжанов Ақтөбе жерінде Жүргеновтің ұлы мұрасын дәріптеу мақсатында ұйымдастырылып отырған шаралардың өскелең ұрпақ үшін маңызы зор екенін ерекше атап өтті.
31 мамыр — Ашаршылық пен саяси қуғын-сүргін құрбандарын еске алу күніне арналған «Тарих пен тағзым» атты тарихи-танымдық шараның мақсаты — ел тарихында үлкен нәубет кезең болған ашаршылық пен саяси қуғын-сүргін құрбандары туралы оқушыларға жан-жақты түсінік беріп, қуғын-сүргінге ұшыраған зиялы қауым өкілдері мен қарапайым жандардың өшпес ерлігін жастарға үлгі ету.
29 маусым күні экскурсиялық-бұқаралық жұмыстар мен археология және этнография бөлімдері бірлесіп Ұлттық домбыра күні қарсаңында көненің көзі, ата-бабамыздан қалған баға жетпес асыл мұрасы - қазақтың қара домбырасын насихаттау мақсатында «Тарт күйіңді, домбыра!» атты мерекелік концерттік шара ұйымдастырды.
«Шолпы» қыз балалар клубының ұйымдастыруымен «Құралайдың салқыны» атты дөңгелек үстел өтті.
Шарада клуб жетекшісі Алмагүл Сарыбай, клубтың кеңес мүшесі Еркін Дінахметов Құралайдың салқыны туралы тұшымды әңгіме өрбітіп, клубтың кеңес мүшесі Орынгүл Ідірісова "Ақсақ киік", Яссауи даму орталығының ұстазы Балдану Мұратқызы Ақбөкендер туралы аңыздар айтты.
Халық жазушысы, драматург, аудармашы Тахауи Ахтановтың (1923-1994 жж.) туғанына 100 жыл толуына арналған «Заңғар жазушы» тақырыбындағы танымдық кездесу өтті.
«Шолпы» қыз балалар клубының ұйымдастыруымен «Еліміздегі баспасөз қызметінің орны» атты танымдық кездесу өтті.
Шарада «Шолпы» клубының жетекшісі Алмагүл Сарыбай жалпы баспасөз бен баспасөз қызметкерінің қоғамдағы рөліне тоқталды. Облыстық «Ақтөбе» газетінің жауапты хатшысы Мұратбек Ержақып өзі еңбек ететін, ғасырлық тағылымды тарихы бар басылымның өңірдің қоғамдық-саяси өмірінде алар орны туралы айта келе, шығармашылық бағытында атқарылып жатқан жұмыстардан хабардар етті. Белгілі журналист Бақыт Жаншаева, С.Бәйішев атындағы облыстық әмбебап-ғылыми кітапханасы мерзімді басылымдар бөлімінің қызметкері Жадыра Сағидоллақызы, қаламгер Еркін Дінахметов баспасөздің қоғамдағы орны туралы өз ойларымен бөлісті.
Қазақ қоғамында әкенің алатын әлеуметтік орны ерекше. Отбасылық құндылықтарды насихаттау мен ата-ана институтын нығайту мақсатында Үкімет қаулысымен маусымның үшінші жексенбісі — Әкелер күні болып ресми мереке ретінде белгіленіп, еліміздің мерекелік күндердің тізбесіне енгізілді.
Халықаралық Отбасы күніне орай «Отбасы — тәрбие мектебі» атты Асылхановтар отбасымен кездесу өтті. Мерекелік шараға белгілі күйші Жайлау Асылхановтың отбасы қатысты.