Ақтөбе облыстық
ТАРИХИ-ӨЛКЕТАНУ
МУЗЕЙІ
Халықаралық Отбасы күніне орай «Отбасы — тәрбие мектебі» атты мерекелік шара аясында Жайлау Асылхановтың, музей қызметкерлері, көп балалы аналар Алмагүл Сарыбай, Нұрсәуле Сансызбайдың отбасылары және медиатор Бибігүл Әбілдаева, қолөнер шебері Лаура Бердібекова музей ауласына тал көшеттерін екті.
Тарих ғылымдарының докторы, доцент, белгілі этнограф-ғалым Рахым Бекназаровтың @beknazarov_rakhym авторлығымен орыс тілінде жарық көрген «ХІХғ.-ХХғ. басындағы Солтүстік Арал маңы қазақтары (тарихи-этнографиялық зерттеу)» атты монографиясының тұсаукесер рәсімі өтті. Шараға тарихшы-ғалымдар, өлкетанушылар және Қ.Жұбанов атындағы Ақтөбе өңірлік университетінің @zhubanov.university магистранттары мен докторанттары қатысты.
Көрнекті қоғам және мемлекет қайраткері Темірбек Жүргеновтың 125 жылдығына арналған «Темірбек Жүргенов — Түркі әлеміне ортақ тұлға» атты дөңгелек үстел өтті.
«Шолпы» клубының ұйымдастыруымен Бесқонақтың шығу тарихына арналған дөңгелек үстел өтті.
Шарада қаламгер Еркін Дінахметов Бесқонақтың шығу тарихына тоқталып, деректер мен мысалдар келтірді, көп балалы ана, медиатор Бибігүл Әбілдаева, музей нұсқаушысы Алмагүл Сарыбай көктем мезгіліне тән табиғат құбылыстары туралы тұшымды әңгіме өрбітті.
Облыстық, аудандық музейлердің қор бөлімі қызметкерлеріне арналған «Музей қорын қалыптастыру, есепке алу, сақтау, пайдалану» атты семинар-практикум өтті.
Құстар күніне арналған «Құстарға қамқоршы болайық!» атты танымдық шара өтті. Оған Қ.Жұбанов атындағы Ақтөбе өңірлік университеті кәсіби шығармашылық факультетінің 3-курс студенттері қатысты.
«Парктер шеруі-2023» акциясы аясында «Ырғыз-Торғай мемлекеттік табиғи резерваты» республикалық мекемесінің мамандарымен кездесу өтті. Халықаралық табиғатты қорғау акциясы жыл сайын елімізде 22 наурыз бен 5 маусым аралығында өткізіледі.
ҚР Мемлекеттік орталық музейі қорындағы этнографиялық коллекциялардан жасақталған «Бабадан қалған аманат» атты жылжымалы көрмесінің салтанатты ашылу рәсімі өтті.
21-сәуір күні 1-мамыр – Қазақстан халқы бірлігі күні мерекесіне орай «Татулық – таусылмас бақыт» тақырыбында музейдің «Тәуелсіздік жолымен» экспозициялық залында облыстың татар-башқұрт этномәдени бірлестігі өкілдерімен кездесу ұйымдастырылды.
