Ақтөбе облыстық
ТАРИХИ-ӨЛКЕТАНУ
МУЗЕЙІ
Тарих ғылымдарының докторы, доцент, белгілі этнограф-ғалым Рахым Бекназаровтың @beknazarov_rakhym авторлығымен орыс тілінде жарық көрген «ХІХғ.-ХХғ. басындағы Солтүстік Арал маңы қазақтары (тарихи-этнографиялық зерттеу)» атты монографиясының тұсаукесер рәсімі өтті. Шараға тарихшы-ғалымдар, өлкетанушылар және Қ.Жұбанов атындағы Ақтөбе өңірлік университетінің @zhubanov.university магистранттары мен докторанттары қатысты.
«Шолпы» клубының ұйымдастыруымен Бесқонақтың шығу тарихына арналған дөңгелек үстел өтті.
Шарада қаламгер Еркін Дінахметов Бесқонақтың шығу тарихына тоқталып, деректер мен мысалдар келтірді, көп балалы ана, медиатор Бибігүл Әбілдаева, музей нұсқаушысы Алмагүл Сарыбай көктем мезгіліне тән табиғат құбылыстары туралы тұшымды әңгіме өрбітті.
Құстар күніне арналған «Құстарға қамқоршы болайық!» атты танымдық шара өтті. Оған Қ.Жұбанов атындағы Ақтөбе өңірлік университеті кәсіби шығармашылық факультетінің 3-курс студенттері қатысты.
ҚР Мемлекеттік орталық музейі қорындағы этнографиялық коллекциялардан жасақталған «Бабадан қалған аманат» атты жылжымалы көрмесінің салтанатты ашылу рәсімі өтті.
